На местото на трагичниот пожар во Кочани, каде што животот го загубија 59 млади луѓе, се предлага изградба на меморијален парк со површина од 1600 квадратни метри.
Овој простор би служел како тивко и достоинствено место за сеќавање, каде што граѓаните ќе можат да оддадат почит на настраданите и да најдат духовен мир.
Идејата за ваков спомен-парк ја иницира кочанчанецот Дарко Арсов, кој преку својата објава на „Фејсбук“ ја сподели својата визија, придружена со визуелни концепти за изгледот на просторот.
