Фото: ЈСП
Владата даде зелено светло за набавка на 120 еколошки автобуси, од кои 80 ќе бидат итно испорачани за ЈСП Скопје со цел да се подобри јавниот превоз во главниот град. Оваа одлука беше донесена по анализата на извештајот од Министерството за транспорт, кој ја истакна итната потреба за модернизација на возниот парк во повеќе општини.
Како што соопшти Владата, финансиските средства за реализација на овој проект веќе се предвидени во буџетот на Министерството за транспорт, а надлежните институции ќе работат на што побрзо спроведување на постапката за јавна набавка.
„Од вкупно 120 автобуси, 80 се итно потребни за обновување на возниот парк на ЈСП-Скопје, додека останатите 40 ќе се распределат според економската оправданост и потребите на општините“, соопшти Владата.
