Српските медиуми пишуваат дека ќе се случи промена во популарната емисија „Ѕвездите на Гранд“ затоа што српската пејачка Вики Миљковиќ денеска се прости од својот брат Владица, кој почина на 47-годишна возраст по долга и тешка болест.
Познатата пејачка и долгогодишна членка на жирито во музичкото натпреварување „Ѕвездите на Гранд“ донесе одлука привремено да се повлече од снимањата за да помине време со своето семејство во овие тешки мигови.
Поради загубата, Вики нема да биде дел од претстојните емисии на популарниот музички натпревар. Нејзиното место во жирито привремено ќе го преземе познатиот српски фолк пејач Драган Којиќ Кеба, кој и претходно повеќепати ги заменувал членовите на жирито кога тие биле отсутни.
