На 17 април (четврток) со почеток во 20:00 часот, во Младинскиот културен центар (МКЦ) во Скопје ќе се одржи хуманитарен концерт на Тамара Тодевска. Овој настан има за цел да собере финансиски средства за поддршка на семејствата на трагично загинатите и повредените во несреќата што ја потресе Кочани.
Во овие тешки моменти, концертот претставува можност да покажеме солидарност и хуманост, пружајќи помош на оние на кои им е најпотребна.
Собраните средства ќе бидат насочени кон поддршка на семејствата што се соочуваат со загуба, како и кон оние кои се повредени и им е потребна долготрајна нега и рехабилитација.
