Фото: Принтскрин
Американскиот претседател Доналд Трамп синоќа испрати јасно предупредување до украинскиот лидер Володимир Зеленски, нагласувајќи дека евентуалното отфрлање на договорот за ретки минерали би можело да има сериозни последици за Украина.
Од своја страна, Зеленски изјави дека неговата земја нема да прифати никаков договор за експлоатација на своите природни ресурси доколку тоа ја доведе во прашање нејзината стратешка определба за членство во Европската унија.
Според украинскиот портал European Justice, Киев неодамна добил предлог-договор од Вашингтон кој се однесува на користењето на богатите украински ресурси. Меѓутоа, извори блиски до украинските власти сугерираат дека одредени клаузули во предложениот договор би можеле да бидат во спротивност со принципите на економскиот суверенитет што Украина мора да ги почитува како дел од нејзиниот пат кон европската интеграција.
