Македонија пред четири години ја запиша една од најголемите победи во својата фудбалска историја, поразувајќи ја Германија со 1-2 во Дуизбург.
Нашите репрезентативци одиграа впечатливо и храбро, а головите на Горан Пандев и Елиф Елмас ја оставија Германија шокирана на нејзиниот терен. Иако Германија доминираше во почетните минути, на крајот Македонија го однесе триумфот.
Капитенот Горан Пандев ја совлада германската одбрана и го погоди голот на противникот за водство од 1:0 на полувремето.
Германија израмни во 63. минута благодарение на голот на Илкај Гундоган од пенал, по фаул на Алиоски над Саен во нашиот шеснаесетник. Но, Македонија не се предаде и во финишот од натпреварот го постигна победничкиот гол.
Во 85. минута, по одлично проигрување на Адеми, Елиф Елмас погоди за 1:2, давајќи ни историски триумф во еден од најголемите фудбалски моменти во историјата на Македонија.
Овој натпревар ќе остане запишан во мемориите на сите фудбалски навивачи во земјата како една од најголемите сензации во светскиот фудбал.
