Жителите на Кочани повторно излегоа на протест барајќи правда и одговорност за катастрофалниот пожар во ноќниот клуб „Пулс“, во кој трагично загинаа 59 лица. Трагедијата остави длабока трага во градот, а граѓаните сè уште се во шок, инсистирајќи на целосна истрага и санкционирање на одговорните.
Освен што се залагаат за правда за загинатите, кочанчани истовремено бараат и ослободување на четворицата сограѓани кои во кобната вечер ја обезбедувале дискотеката. Според протестантите, токму овие мажи се вистинските херои, бидејќи со огромна храброст и пожртвуваност, без никаква заштитна опрема, спасиле над 200 гости од пламената стихија.
На чело на протестната колона, граѓаните носеа транспаренти со имињата и фотографиите на Столе Боја, Мартин Горгиев – Пирка, Лазар Захариев – Портокал и Ивица Грозданов за кои се бара слобода.
