Кобната ноќ во дискотеката „Пулс“ во Кочани нема никогаш да се заборави и засекогаш ќе остави белег кај народот во Македонија затоа што загинаа 59 лица, а над 150 беа повредени и ќе имаат трајни последици од пожарот.
Во изминатите денови се зборуваше за херои кои помагале во извлекување на пожарите, но има и такви „херои во сенка“ кои вреди да се споменат, а во продолжение го споделуваме статусот..
За сите херои од Кочани за кои не слушна јавноста 
За мајката на која и пукна водењакот кога дозна дека сопругот е почина и се породи два дена подоцна
За шоферите на Брзата помош од кој едниот заврши на Кардиологија, а другиот во Јесеново
За полицајците кои ваделе свои повредени колеги и деца починати и повредени на колеги. За полицајците кои во болницата миеле повредени и менувале инфузии и преврзувале
За командирот на пожарната во Кочани кој е во болница
За дечките од Црвениот крст, пред се од Кочани
За матичните лекари и медицински сестри од кочанско и виничко
За доброволните пожарникари од Кочани кои од џеб даваат пари за да имаат гориво за возилата и нивна регистрација, како и плаќаат данок на државата за увоз на протовпожарни камиони
За кочанските таксисти кои биле ударна сила при транспортот до кочанската болница на многу повредени и за жал починати.
За цивилите кои со сопствени возила однеле повредени директно за Скопје
За детето од Македонска Каменица кое извлекло неколку преживеани лица кои сведочат како биле спасени од него
За Филип, Андреј, Марко, Никола, Давор, Илија, Петар, Игор, Мирче, Давид, Борис… и безброј други дечки кои од дома дошле и извлекле доста лица ризикувајќи си го своите животи, па така сега се по болници.
За родителите кои го загубија второто свое дете откако пред неколку години во странство им беше убиена и ќерката
За родителите на чии раце пред болницата на клупа и починаа децата
За докторките, докторите и медицинските сестри кои сопствените деца ги примиле и виделе кобната вечер повредени и кои за жал се лечат во странство и се во тешка ситуација понатаму.
За ќерката на обвинителот која истот така се бори за живот
За неколкуте дечки кои скршиле ѕид од гипс и ослободиле простор помеѓу ходникот и излезната врата, потег со кој спасиле многу 
