Фудбалскиот клуб „Рокдејл Илиндeн“, кој ја претставува македонската заедница во Сиднеј, објави дека заедно со своите партнерски организации и поддржувачи успеал да собере вкупно 87.100 австралиски долари како помош за семејствата на загинатите и повредените во катастрофалниот пожар во Кочани.
Според официјалното соопштение на клубот, во следните денови сите собрани средства ќе бидат директно уплатени на банкарските сметки на семејствата погодени од трагедијата. Од клубот ја истакнаа исклучителната солидарност и поддршка од различни компании и организации, кои несебично донирале за оваа потреба.
