Одговорните во „Ботаника урбана кафана“, заедно со вработените и гостите, успеаја да покажат што значи вистинска хуманост, собирајќи повеќе од 120.000 денари за семејствата погодени од трагедијата во Кочани.
Како што најавија пред неколку дена, тие организираа хуманитарни вечери, поканувајќи ги своите гости секој четврток да бидат дел од оваа добротворна иницијатива. Во рамките на акцијата, 100% од собраните средства беа наменети за оние кои најмногу имаат потреба од помош.
Денес, официјално објавија дека успеале да донираат вкупно 122.000 денари, а посебна благодарност упатија до своите вработени, кои лично придонесоа со 23.000 денари.
