Уште тројца пациенти кои беа повредени во трагичниот пожар во Кочани се префрлени на лекување во Универзитетскиот клинички центар (УКЦ) во Ниш. Станува збор за двајца мажи и една жена, кои претходно беа хоспитализирани во Универзитетскиот клинички центар Србија.
Според информациите, тие се префрлени на Одделението за пластична и реконструктивна хирургија во Ниш, каде ќе ја продолжат медицинската грижа и третманите поради сериозните повреди здобиени во пожарот.
„Шест повредени во овој трагичен настан во моментов се хоспитализирани во Клиничкиот центар Ниш. Четворица мажи и една жена се на одделението на Клиниката за пластична и реконструктивна хирургија, додека еден пациент се уште е на одделението за интензивна нега на Клиниката за анестезија и интензивна терапија“, соопштиле од Клиничкиот центар во Ниш.
