Апелациониот суд во Штип утре ќе одлучува по жалбите поднесени од Основното јавно обвинителство, кои се однесуваат на одлуката за определување мерка куќен притвор за двајцата поранешни градоначалници на Кочани – Ратко Димитровски и Николчо Илијев. Информацијата ја потврди претседателот на Апелациониот суд, Тони Делев.
Како што е познато, Димитровски и Илијев претходно беа во ефективен притвор поради сомневања поврзани со трагедијата што се случи во дискотеката „Пулс“ во Кочани.
Делев информира дека предметот од Основниот суд пристигнал во Апелација денеска, по што е веднаш распределен на кривичниот совет за разгледување. Судскиот совет ќе ја донесе одлуката утре и, како што беше најавено, истата ќе биде јавно објавена на официјалната веб-страница на Апелациониот суд.
