Од Сојузот на синдикатите на Македонија (ССМ) реагираат дека одлуката за зголемување на минималната плата е донесена без нивно учество, што, како што велат, е преседан и отстапување од досегашната пракса.
Според најавите, од месец април минималната плата ќе се зголеми за 1.812 денари и ќе изнесува 24.379 денари. Меѓутоа, синдикатите нагласуваат дека нивното мислење не било побарано при донесувањето на оваа одлука.
Трпе Деаноски од синдикатот на УПОЗ изјави дека ова е првпат од 2012 година наваму, минималецот да се зголеми без претходни разговори и договор со социјалните партнери – работниците и работодавачите.
„Првпат се случува ова, но со оглед на состојбата во државата, веројатно нема да биде последен пат. Во петок ќе одржиме седница на ССМ за да ги одредиме следните чекори“, изјави Деаноски.
