Филип Илијев е еден од вистинските херои во трагичниот пожар што ја зафати дискотеката „Пулс“ во Кочани. Во моментот кога избувнал пожарот, Илијев се наоѓал во својот дом.
Штом ја забележал огнената стихија, без двоумење излегол од дома и се упатил кон местото на несреќата за да помогне. Со себе го повикал и својот татко, кого го разбудил заедно да дадат поддршка на повредените. Целата ноќ ја поминале на терен, пружајќи прва помош и транспортирајќи ги повредените лица до најблиската амбуланта.
Во видео изјава за „SupportKochani“, Филип упати апел до јавноста и до блиските на настраданите да бидат внимателни и да не ги потсетуваат директно на трагедијата, бидејќи ваквите разговори може да предизвикаат сериозни психолошки последици и панични напади кај преживеаните и сведоците.
