Министерот за здравство, Арбен Таравари, на денешната прес-конференција информираше дека четворица пациенти од Шпанија и еден од Грција денеска се враќаат во земјава.
По пристигнувањето, тие ќе бидат сместени во Клиничкиот центар, каде што ќе поминат најмалку 24 часа под лекарски надзор.
„Вчера во земјава се вратија по еден пациент од Србија и од Бугарија. Во моментот, вкупниот број на пациенти кои сè уште се лекуваат во странство изнесува 113, но со денешното враќање на петмина, таа бројка ќе се намали на 108. Се забележува позитивен тренд на пациенти кои се подготвени за враќање“, изјави Таравари.
