Министерството за внатрешни работи соопшти дека полициските службеници вчера спровеле претреси на повеќе локации поврзани со лицето Д.Ј. Претреси биле извршени во неговиот дом, во неговото возило од марката „Инсигниа“, како и во два угостителски објекти.
Дополнително, полицијата извршила претрес и во просториите на Државниот пазарен инспекторат – Канцеларија Кочани, во рамките на истрагата што е во тек.
„Во домот на Д.Ј. пронајдени и одземени се лап топ компјутери, повеќе мобилни уреди, документација и други предмети. Одредени предмети се одземени и од возилото и од угостителските објекти, а пронајдена и одземена е и финансиска документација. Во ДПИ- Канцеларија Кочани пронајден и одземен е еден компјутер, еден лап топ компјутер и еден таблет, како и целокупната документација поврзана со правни субјекти во сопственост на Д.Ј.“, информира МВР.
