Полицијата приведе двајца млади возачи со македонско потекло во Линц, кои биле фатени како управуваат со своите возила со екстремно висока брзина. Според информациите што ги пренесуваат австриските медиуми, на двајцата им биле одземени автомобилите и возачките дозволи.
Eдниот од нив, 20-годишен државјанин на Македонија, бил фатен како со својот „Мерцедес Ц-250“ вози со 154 км/ч на делница каде што максималната дозволена брзина е 70 км/ч – дури 84 километри повеќе од дозволеното.
Другиот возач, на возраст од 21 година, исто така со македонско потекло, бил измерен како вози со 191 км/ч со „БМВ 530Д“, на пат каде што ограничувањето е 70 км/ч, што значи дека ја надминал брзината за неверојатни 121 километар на час.
