Македонската фудбалска репрезентација вечерва се соочува со тежок предизвик против Велс, а натпреварот ќе започне во 20:45 часот.
Напаѓачот Бојан Миовски во пресрет на дуелот ги претстави своите нови копачки, со кои ќе настапи на теренот.
На нив ќе бидат македонското знаме и иницијалите на неговото семејство, што претставува симбол на неговата посветеност и гордост што ја носи националната репрезентативна опрема.
„Секој човек има своја приказна и секој човек има свое животно патување.
Навраќајќи се во моето детство додека ги држев моите први копачки, се сетив дека кажав нешто што длабоко посакував:
Еден ден со цело срце ќе играм за мојата земја и еве ме, по многу години, играм за Македонија, мојата земја, бисерот на Балканот.
Овие специјализирани копачки имаат исклучително значење, со свето нешто – моето национално знаме и иницијалите на моето семејство..
На денешниот натпревар за македонската репрезентација, ќе ги носам во чест и сеќавање за сите што ги загубивме на 16.03.2025 година, за сите кои се уште се борат за своите животи и за сите семејства.
Нека почиваат во вечен мир упокоените души, сите мои молитви за повредените“, објави Миовски.
