Младиот 19-годишен Јован Костадинов, кој за време на трагичниот пожар во дискотеката во Кочани успеа да спаси повеќе од 20 млади луѓе, се врати дома во добра здравствена состојба.
Министерот за здравство, Арбен Таравари, истакна дека Јован не е херој само на Кочани, туку на целата држава, порачувајќи дека неговата храброст заслужува најголема почит.
„Јован, кој има само 19 години, постапил како вистински херој. Влегувал повторно и повторно, не еднаш, не двапати, туку повеќе од 20 пати, за да помогне на оние што биле заробени во пламените. Го ризикуваше сопствениот живот за да спаси други. Неговото тело ги носи лузните од неговото јунаштво, но неговото срце носи нешто далеку поголемо: почитта, восхитот и љубовта на цела нација. Јован не е само херој на Кочани. Тој е херој на целата наша држава“, објави Таравари.
