Хрватското небо синоќа приреди несекојдневен спектакл што предизвика восхит и изненадување кај бројни граѓани низ целата земја. Несекојдневната појава, која ја забележаа многумина, предизвика бура од реакции, а снимките брзо се проширија на социјалните мрежи.
Фејсбук страницата MedicaChristian објави видео материјал снимен со две камери над Латина, во близина на Плашки, кој веднаш привлече внимание и поттикна различни теории за природата на овој феномен. Коментарите варираа од претпоставки дека станува збор за редок метеоролошки феномен, па сè до шпекулации за можен неидентификуван летечки објект (НЛО).
Меѓутоа, експертите брзо се огласија со научно објаснување. Астрономите Анте Радониќ и Борис Штромар, во изјава за Вечерњи лист, потврдија дека мистериозната појава всушност била трага од ракетно лансирање.
