На 24 март 2025 година, околу 10:00 часот, во Секторот за внатрешни работи Скопје било пријавено дека на паркинг-просторот во кругот на Комплексот клиники „Мајка Тереза“ во Скопје се случила сообраќајна несреќа во која патничко возило од марката „Шкода“ удрило во малолетно лице од Скопје.
По ударот, наместо да запре и да укаже помош, возачот го напуштил местото на несреќата и заминал во непознат правец. Повредениот пешак бил веднаш пренесен во Ургентниот центар при Клиничкиот комплекс „Мајка Тереза“, каде лекарите констатирале телесни повреди.
На местото на несреќата извршен бил увид од страна на екипа на СВР Скопје, а надлежните органи преземаат интензивни мерки за пронаоѓање на возачот и целосно расчистување на случајот.
