Македонската јавност повторно е вознемирена од уште еден случај што предизвика згрозеност. Полициските службеници од Секторот за внатрешни работи (СВР) – Штип, вчера во 17:05 часот го лишиле од слобода 60-годишниот болничар Т.Ј., кој е осомничен за недолично однесување кон малолетничка од Радовиш.
Според информациите на полицијата, инцидентот се случил на неговото работно место во Клиничката болница – Штип, каде што малолетната девојка престојувала на пракса. Болничарот наводно ја допирал по телото, што довело до итна реакција на надлежните органи.
По приведувањето, осомничениот бил задржан во полициска станица, а за случајот веднаш бил известен јавен обвинител, кој ќе ја води истрагата.
