Утрово во скопската населба Волково се случил инцидент со употреба на огнено оружје, при што две лица се здобиле со повреди, од кои едното е во критична состојба и се наоѓа во животна опасност.
Според првичните информации добиени од Министерството за внатрешни работи, инцидентот започнал по вербална расправија меѓу соседите, која ескалирала и завршила со пукање. Од страна на едно лице било испукано огнено оружје кон соседите, потврдуваат од МВР за „Скопје1“.
На местото на настанот присутни се голем број полициски службеници кои вршат увид и обезбедување на просторот, објави „Скопје1“.
Извор: Скопје1
