По завршувањето на редовниот состанок на кризниот штаб, министерот за здравство, Арбен Таравари, ја информираше јавноста за здравствената состојба на лицата повредени во трагичниот настан во Кочани.
Според него, пациентите кои се хоспитализирани во здравствените установи низ Македонија се наоѓаат во стабилна и добра општа состојба.
Планирано е во почетокот на наредната седмица девет од нив да бидат пуштени на домашно лекување, по завршување на сите потребни токсиколошки и психолошки испитувања.
Таравари истакна дека во странство се лекуваат 115 повредени лица, при што петмина од нив и натаму се во критична состојба, но ситуацијата кај пациентите варира од ден на ден.
