На 21 март 2025 година, во 16:05 часот, во Полициската станица Струга било пријавено дека на улицата „Партизанска“ во Струга избувнал пожар во станбена зграда со повеќе домаќинства, при што биле оштетени неколку стамбени единици.
Согласно првичните информации од терен, за среќа нема пријавено повредени лица. Благодарение на брзата реакција на Територијалната противпожарна единица од Струга, пожарот бил локализиран и спречено е негово понатамошно ширење.
Жителите на зградата биле навремено евакуирани, а полицијата извршила увид на местото на настанот и во тек е истрага за утврдување на точната причина за избувнување на пожарот.
