Медиумите од регионот пишуваат дека вечерва животот трагично во сообраќајна незгода го загубил пејачот Предраг Пеџа Бошњак, кој јавноста го запозна преку неговото учество на музичкото шоу „Ѕвездите на Гранд“. Несреќата се случила попладнево, околу 16:35 часот, на обиколницата кај Палиќ.
Според досега достапните информации, Бошњак управувал со својот моторцикл кога, поради загуба на контрола, излетал од коловозот. Тој веднаш бил пренесен со тешки телесни повреди во Општата болница во Суботица. И покрај напорите на лекарските екипи да му го спасат животот, пејачот подлегнал на повредите во текот на вечерта.
