Десет лица кои беа повредени во трагичниот пожар што се случи во дискотеката во Кочани, денеска се отпуштаат од болница и продолжуваат со домашно лекување.
Според информациите од здравствените установи, меѓу отпуштените пациенти се наоѓаат еден пациент од Штип, еден кој беше хоспитализиран на Клиниката за детска хирургија, тројца пациенти од Одделот за торакална хирургија, како и пет пациенти кои беа згрижени и лекувани во приватните здравствени установи „Аџибадем Систина“ и „Жан Митрев“.
Лекарските екипи информираат дека состојбата на пациентите е стабилна и под постојан надзор.
