Министерот за здравство, Арбен Таравари, на денешната прес-конференција по одржаниот состанок со Кризниот штаб, соопшти дека во моментов медицинска нега добиваат 162 лица повредени во пожарот што се случи во дискотеката „Пулс“ во Кочани.
Таравари ја истакна добрата вест дека здравствената состојба на дел од повредените се подобрува, па така денеска се очекува десет пациенти да бидат отпуштени од болниците.
Како што кажа тој повеќе нема потреба за испраќање на други пациенти во други држави бидејќи нивната состојба е стабилна.
