По трагичните настани што го потресоа Кочани, музичарот Никола Перевски – Пере преку својот профил на социјалните мрежи сподели длабоко емотивна поема.
Во својата објава, тој упати остри критики кон оние кои, дури и во моменти на голема тага и загуба, не се воздржуваат од злонамерни коментари и се насладуваат на туѓата болка.
ЌУТИ КОГА БОЛИ
Луѓето знаат да гледаат.
Знаат да гледаат директно
во туѓата несреќа.Да кликнат,
да коментираат.
Да се насладуваат на туѓиот пекол
додека грицкаат нешто мрсно од кеса.
Но,знаеш што не знаат?
Да молчат кога е потребно.
Да ја спуштат главата кога не знаат,
кога немаат поим.
Да се тргнат настрана кога болката не е нивна.
Да ги остават луѓето да ги закопаат своите деца
без блиц,шепоти и евтини анализи.
Не барам чуда.
Не барам свет
без врева.
Барем за тие неколку дена,
Бидете луѓе.
Не таблоиди.
Не ловци на туѓа трагедија.
Не доктори за се и сешто.
Само луѓе.
Со душа,ако ни остана.
Затоа што ако го прокоцкаме и тоа –
Нема ни што да се свири веќе.
Никола Перевски
