Калина Коси на нејзиниот профил на социјалните мрежи објави статус кој за жал ја отсликува реалноста во Македонија.
„Владата донела одлука да се направи контрола на сите лиценци во сите дејности и сите области. Така треба, така требало и многу пати до сега! Во меѓувреме одземени 97 градежни лиценци. Што се правело во оваа држава луѓе мои, ова е лудило! Да се провери секој објект, од градинки, училишта, станбени објекти, дур не ни се срушил некој над глава!
Го слушав и пресот на обвинителот, морници ме полазија. Сите за кои постои основ треба да одговараат, без исклучок! Не смее да се дозволи овој пат да помине ниту еден неказнето или со минимални казни, не смее!
Да се провери и сервисерот на ПП апаратите. Вчера слушав дека некои фирми само картончињата ги менувале за пари и наместо специјален прашок за гаснење пожари, ги полнеле боците со брашно! Со брашно! Замислете, со брашно!
Обично големите ги ставаме на тапет. Ова испаѓа дека се е труло и алчно за пари и корумпирано, од најмало до најголемо. Да се тргне да се апси секој кој во оваа држава се огрешил од законот, двајца без тројца нема да останат! А со двајца без тројца систем и држава не се прави“, вели Калина.
