Венко, кој бил присутен во дискотеката во кобната ноќ, открива детали во „Претрес“ од тоа што се случувало, иако стигнал само две минути пред да избувне пожарот во „Пулс“.
Тој ги посочи проблемите со кои се соочуваат граѓаните во Македонија и притоа посочи дека мора сите да бидат посвесни и да има казни за одговорните лица.
„Сè што се правело нерегуларно со години, таа кобна ноќ беше наплатено. Ако по оваа трагедија, не се преземе масовна реакција од институциите, нема да нè биде. Сите ова го гледаме 20 години и после системот ни е крив, виновен е некој со име и презиме. Додека ние како поединци не пријавуваме и нема жестока реакција и одговорност, нема да има надеж за Македонија“, кажа Венко меѓу другото во „Претрес“.
