Полицијата синоќа приведе две млади лица, и двете на возраст од 18 години, кои се осомничени дека стојат зад организацијата на огнометот што се случи во Скопје, и тоа во време кога во целата земја е прогласена седумдневна жалост поради трагичниот настан во Кочани.
Како што информира Министерството за внатрешни работи (МВР), полицијата реагирала веднаш откако околу 21:25 часот добила пријава дека во градскиот парк се активира огномет, со што директно се прекршува одлуката на Владата за спроведување на јавна и институционална жалост.
„Од страна на полициските службеници на СВР Скопје веднаш е постапено и утврдено е дека во угостителски објект во градскиот парк била организирана роденденска прослава, при што од страна на М.Ф. (18) и М.Ф. (18), двајцата од Скопје, бил запален огнометот“,информираат од МВР.
