Почитувани,
Порталот Гладиатор Вести како одговорен и професионален медиум сака да информира дека на 20 март 2025 година, од почит кон жртвите и нивните семејства, нема да објавуваме никакви содржини поврзани со погребот на загинатите во трагедијата во Кочани.
Веруваме дека овој ден треба да помине во тишина, достоинство и почит, без медиумско покривање кое би можело да ја наруши приватноста и чувствата на семејствата. Нашата уредничка политика се води според највисоките професионални и етички стандарди, со цел да обезбедиме одговорно известување.
Дополнително, сакаме да информираме дека новинари од нашиот тим нема да бидат присутни на настанот, ниту ќе вршат било какво известување во врска со погребот. Нашиот медиум ги почитува чувствата на семејствата кои ги испраќаат своите најблиски и сметаме дека нивната приватност и достоинство мора да бидат во предност.
Во таа насока, ги повикуваме и останатите медиуми да се придржуваат кон истите вредности, ставајќи го човечкиот аспект и сочувството над информативната вредност.
Како медиум, остануваме посветени на етичките принципи и законските регулативи за известување, обезбедувајќи објективност, почит и професионализам.
Со почит,
Гладиатор
