Млади граѓани на Кочани во разговор со новинарите од „Телма“ кажаа дека многу загубиле затоа што сите се познавале. Дел од нив сметаат дека треба да се бара одговорност веднаш, додека останати сметаат дека треба најпрво да се помогне на тие што им е најпотребно.
„Мои пријатели беа во дискотеката, хорорите што ги кажуваат се незамисливи. Сите сме под стрес, сите сме под терапии. Страшно. Многу загубивме, сите сме генерациски блиски, ова е трагедија што ќе се памети со генерации и ќе се раскажува и на наши деца. Ние младите, што е во наша можност, значи сите излегуваме и бараме одговорност“, вели девојка.
„Многу ми е криво кога ме тераат да зборам за одговорност и сè останато, мислам дека не треба да се зборува за тоа, туку треба да се проба да се помогне на тие што им треба. Секој час се влошува ситуацијата на тие што се хоспитализирани. Сите да се насочиме кон тоа, а не на обвинувањата“, посочува момче во изјава за телевизијата.
Видео: ТВ Телма
