Професорката Татјана Алексиќ преку својот профил на Фејсбук сподели емотивен и потресен статус во врска со трагичниот настан што го потресе Кочани.
Во несреќата која се случи во дискотеката „Пулс“, животот го загубија 59 лица, а над 150 лица беа повредени, откако избувна голем пожар за време на настапот на музичкото дуо ДНК.
Алексиќ во својата објава изрази длабока тага и сочувство за семејствата на загинатите и повредените, упатувајќи силна порака за човечност и солидарност во моменти на незамислива болка.
„Господ да им даде сила на најблиските на починатите, физички да ја издржат болката. Душите им прегореа од мака, им изгореа со саканите. Живи луѓе со мртви души. Да тихуваме и да се молиме за сите нив. Повредените да закрепнуваат, преживеаните да зајакнуваат. Достоинствено да тагуваме, поинаку и не се може со скршени срца“, напиша Алексиќ.
