Македонската пејачка и телевизиска водителка Бојана Скендеровски се огласи на својот профил на Фејсбук, реагирајќи по стравичната трагедија што го потресе Кочани.
Во несреќата што се случи во дискотеката „Пулс“, животот го загубија 59 лица, додека над 150 беа повредени, по избувнувањето на пожар за време на настапот на музичкото дуо ДНК.
„Сите тагуваме,сите сме укочени од болка,сите сме во шок што ни се случи…не е време за препукувања, не е време да се пцуеме, не е ни време да се биде хиена, и да се зграпчи некој лајк повеќе, жртвите не се ни закопани, не се знае ни за судбината на многу повредени…да бидеме човечни, ве молам да останеме луѓе….“, напиша Бојана.
