На денешниот мирен протест на плоштадот во Скопје, граѓаните носеа бројни транспаренти со силни пораки, изразувајќи тага, солидарност и барања за правда. Натписите на транспарентите сведочеа за болката, но и за решителноста на народот да не дозволи оваа трагедија да биде заборавена, но и да не дозволиме да се повтори.
Меѓу највпечатливите пораки беа: „Правда за жртвите!“, „Никогаш нема да ве заборавиме“, „Безбедност за сите, не само зборови!“ и „Тагата е наша, но одговорноста е ваша“. Некои транспаренти содржеа имиња и фотографии на жртвите, додека други беа испишани со пораки на солидарност и поддршка за нивните семејства.
Освен транспарентите, на земја беа оставени свеќи и пораки напишани на хартија, кои уште повеќе ја засилија емоционалната тежина на протестот. Оваа тивка, но моќна демонстрација на народната болка и единство испрати јасна порака дека трагедијата нема да биде заборавена, а одговорноста мора да биде понесена.
