Тешка трагедија ја потресе Кочани и целата држава, откако во доцните часови меѓу саботата и неделата, избувна разорен пожар во дискотеката „Пулс“. Во несреќата животот го загубија најмалку 59 лица, а меѓу нив, најмладата жртва била само 14-годишно дете. Трагедијата остави зад себе стотици повредени и многу уништени семејства.
Според досегашните информации, околу 150 лица биле хоспитализирани со различни степени на повреди. Дел од повредените, поради сериозноста на нивната состојба, беа итно пренесени во Србија. Според лекарските извештаи, повеќето од нив се со тешки изгореници кои зафаќаат од два до дури 28 проценти од телото.
„Девет пациенти се примени на Ургентниот центар, а тројца се на ВМА. Дијагностичките процедури беа започнати и завршени за пациентите веднаш по приемот. Станува збор за повреди од изгореници кои зафатиле помеѓу два и 28 проценти од површината на телото. Тешко е да се зборува за прогнози за изгореници, но тоа ќе стане јасно во наредните денови. Нашите пациенти се млади, на возраст од 18 до 35 години, тие се рехабилитирани и нивниот третман продолжува бидејќи тоа е долготраен процес кој бара недели лекување“, велат докторите од Ургентниот центар во Белград.
