Црвениот крст на Бугарија денеска спроведе хуманитарна крводарителска акција во Софија, насочена кон обезбедување крв за повредените лица од трагичниот пожар во дискотеката во Кочани.
Повредените пациенти, кои беа итно пренесени на лекување во бугарските здравствени установи, добиваат поддршка и нега благодарение на солидарноста на граѓаните.
Голем број граѓани на Софија, поттикнати од хуманата цел, одговорија на повикот и се приклучија на акцијата, донирајќи крв и изразувајќи ја својата поддршка кон семејствата и настраданите од Македонија.
