Министерот за внатрешни работи, Панче Тошковски, на прес-конференција информираше дека во дискотеката „Пулс“ во Кочани, каде што избувна пожар, се наоѓале околу 500 лица, иако капацитетот на објектот бил значително помал.
Повеќе од 20 лица се приведени во врска со инцидентот, од кои 15 се во полициска станица, а останатите се хоспитализирани. Меѓу приведените се и два члена на бендот кој настапувал, синот на сопственикот на дискотеката и управителот на правното лице кое ја менаџирало дискотеката. Министерот посочи дека дискотеката работела со фалсификувана лиценца.
Имињата на починатите ќе бидат соопштени на семејствата по завршување на процесот на идентификација.
