Директорот на спортскиот центар „Борис Трајковски“ излезе со објава на социјалните мрежи, споделувајќи видео-снимка снимена пред самиот комплекс. На видеото, како што наведува тој, може да се забележи настан на кој присуствуваат околу 300 возила, учесници во организирано дрифтање.
Настанот се случил на дено кога цела Македонија плаче по загинатите лица во несреќата во дискотеката во Кочани.
„Срам и арам! На ваков тажен ден, кога цела земја плаче по 60 загинати деца, некому текнало да организира дрифт настан со над 300 возила, а пријавиле „снимање спот”. При тоа, причинети десетина судари и штети на паркингот на СЦ „Борис Трајковски”. Ова ниту сум го дозволил, ниту некогаш ќе го дозволам! Благодарност до МВР и ПС Карпош за брзата реакција и растерување на овие несовесни граѓани, по пријавата од мене како директор на СЦ „Борис Трајковски”. Апел до сите граѓани да ги почитуваме деновите на жалост и да се однесуваме најчовечки. Жртвите и нивните семејства заслужуваат спокој и почит“, напиша Апостоловски.
