Министерот за здравство, Арбен Таравари, во своето најново обраќање до јавноста посочи дека се разгледува можноста најтешко повредените лица од трагичниот пожар во Кочани да бидат пренесени на лекување во странство. Станува збор за 18 до 20 пациенти, чиja здравствена состојба е критична и бара интензивна и специјализирана медицинска нега.
Таравари информираше дека веќе се добиени понуди за прием и лекување од повеќе земји, меѓу кои се Бугарија, Грција и Србија, а дополнителна поддршка била понудена и од Албанија, Холандија и други држави. За тоа каде точно ќе бидат транспортирани пациентите, одлуката ќе ја донесе стручен тим од анестезиолози и специјалисти, кои ги следат состојбите на повредените.
„Најверојатно ќе се лекуваат во Бугарија, Грција, Србија. Добивме повици од Албанија, Холандија…“ изјави министерот Таравари.
