Меѓу жртвите во трагичниот пожар што избувна во дискотеката „Пулс“ во Кочани се наоѓа и младиот Горги Гориев од Струмица.
Веста за неговата смрт ја потврди градоначалникот на Струмица, Костадин Костадинов, кој преку социјалните мрежи изрази длабоко сочувство до семејството и најблиските на Гориев.
„Ах бре убаво дете, сите списоци сите болници баравме за да те најдеме, само да ни кажат дека си тука…
Со неизмерна тага ја примив веста за трагичната загуба на нашиот сограѓанин, Горги Горгиев, кој го загуби својот живот во страшниот пожар во Кочани. Струмица загуби талентиран музичар, пријател и човек со големо срце, кој преку својата музика ширеше радост и емоции.
Во овие тешки моменти, моите мисли и молитви се со неговото семејство, најблиските и сите кои го познаваа и сакаа. Нека почива во мир, а неговата музика и споменот за него вечно да живеат во нашите срца“, објави Костадинов.
