Владимир Блажев – Панчо, фронтменот на популарната македонска група „ДНК“, е хоспитализиран на одделот за интензивна нега во приватната клиника „Систина“ во Скопје. Тој се здоби со повреди во синоќешниот пожар што избувна во дискотеката „Пулс“ во Кочани, каде што настапуваше заедно со својот бенд.
Според информации до кои дојде порталот „Локално“, здравствената состојба на Блажев во моментов е стабилна.
Претходно беше соопштено дека пејачот има изгореници на лицето и раката и дека е ставен на кислородна терапија.
Извор: Локално.мк
