Меѓу жртвите во трагичниот пожар што ја зафати дискотеката во Кочани е и 25-годишната Лепа Тасева. Нејзиниот татко, Бобан Тасев, цело утро трагаше по неа и нејзината сестра Марија.
„Доаѓавме овде да ја најдеме, ја нема ниту во Кочани, ќе ја бараме и во Скопје“, изјави Тасев за медиумите.
Тој раскажа дека успеал да ја пронајде Марија, која по инцидентот била хоспитализирана. Според неговите зборови, Марија се здобила со повреди додека се обидувала да се евакуира – паднала и била прегазена од други лица кои панично се обидувале да го напуштат објектот.
