Две лица кои се најдоа во опасност во водите на Мавровското Езеро се успешно спасени, потврди директорот на Центарот за управување со кризи (ЦУК), Стојанче Ангелов.
Спасувачката операција беше изведена со координација на повеќе служби, вклучувајќи и полициски хеликоптер со специјален тим од САЕ „Тигар“, кој веднаш беше подготвен за брза интервенција. Тимот за спасување, користејќи чамец, се упати кон загрозените лица кои се наоѓаа во водата, потпирајќи се на превртениот чамец.
Според достапните информации, пред пристигнувањето на спасувачите, лицата успеале да го исправат чамецот и повторно да се качат во него. Сепак, поради сложените услови и опасноста од хипотермија, тие останаа во водата сè додека тимот за спасување не ги извлече и безбедно ги транспортираше до брегот.
