Центарот за култура – Битола, во соработка со НУ Камерен Оркестар на Битола, со гордост го најавува седмото издание на традиционалниот концерт „Засекогаш во срцата“, кој е посветен на вечната македонска музичка ѕвезда, Тоше Проески.
Оваа година, концертот ќе биде во целост посветен на неговите безвременски песни, кои оставија длабока трага во македонската музика и култура. Настанот ќе се одржи на 22 март 2025 година во големата сала на Центарот за култура – Битола, со почеток во 19 часот.
Тоше Проески беше уметник со исклучителен талент, чиј ангелски глас и емотивни интерпретации продолжуваат да живеат во срцата на неговите обожаватели низ Балканот и пошироко.
