Зеленски: Путин се плаши да му каже на Трамп дека сака да продолжи со војната

Украинскиот претседател Володимир Зеленски остро реагираше на ставот на рускиот претседател Владимир Путин во однос на предлогот за прекин на огнот, опишувајќи го како „очекуван“ и „исполнет со манипулации“.

Во своето редовно вечерно обраќање до нацијата, Зеленски нагласи дека Москва однапред го подготвува теренот за одбивање на можноста за примирје, а сето тоа, според него, е дел од стратегијата на Кремљ за продолжување на конфликтот.

„Путин, како и секогаш, се обидува да ги избегне вистинските прашања. Се плаши директно да му каже на американскиот претседател Доналд Трамп дека неговата намера е да ја продолжи оваа војна, дека сака уште украински жртви. Наместо тоа, се служи со манипулации и тактики на одложување, но светот веќе ги препознава овие игри“, изјави Зеленски, пренесе „Скај Њуз“.