Сопственикот на кучето поднел пријава до полицијата, при што навел дека осомниченото лице се заканувало и претходно.
На социјалните мрежи се појави и извештај од ветеринар, но и фотографии од кучето кои се вознемирувачки.
„Тор беше младо, мирно и сакано куче, чиј живот е одземен намерно, на брутален начин. Ова зрнце и радост од куче беше осакатено со удари од тврд предмет по глава, тепан крвнички без причина и оставен да страда со страотни болки и повреди. И покрај сите напори на сопственикот и ветеринарите, животот на Тор не беше спасен и тој почина од скршен череп.
Сопственикот на кучето поднел пријава до полицијата, посочувајќи осомничено лице кое претходно се заканувало, но пријавата не беше земена со доволна сериозност, а до денешен ден не е извршен распит со посоченото лице. Прашуваме, кому и зошто да пријавуваме ако институциите кои треба да го штитат правото на живот ги игнорираат ваквите случаи на насилство врз животни?“, се вели во статусот на социјалните мрежи.
