Македонскиот фудбалски репрезентативец Исник Алими, кој настапува за кинескиот клуб Далиан, ќе треба да помине долг и исцрпувачки пат за да пристигне на репрезентативниот собир и да биде подготвен за претстојните квалификациски натпревари за Светското првенство 2026.
Избраниците на селекторот Благоја Милевски на 22 март во Вадуц ќе ги започнат квалификациите со натпревар против Лихтенштајн, а само три дена подоцна, на 25 март, ќе ја пречекаат селекцијата на Велс на домашен терен.
Поради далечината од Кина до Македонија и потребните преседнувања, Алими ќе има исклучително напорен пат, кој ќе трае повеќе од 30 часа. Но, и покрај физичките предизвици, тој е максимално мотивиран да даде сè од себе за националниот тим.
„Благодарам за поддршката. Ме чека долг пат, можеби повеќе од 30 часа лет, но јас ќе бидам таму и ќе го дадам максимумот за Македонија на натпреварите против Лихтенштајн и Велс“, објави Алими на социјалните мрежи.
